ВОХӮРИИ СУДМАНД БО МАҚСАДИ БАЛАНД БАРДОШТАНИ МАЪРИФАТИ ҲУҚУҚИИ ШАҲРВАНДОН

            ВОХӮРИИ СУДМАНД БО МАҚСАДИ БАЛАНД БАРДОШТАНИ МАЪРИФАТИ ҲУҚУҚИИ ШАҲРВАНДОН

        Санаҳои 11 ва 12-уми июли соли равон дар Ҷамоати деҳоти Боғистон ва Ҷамоати деҳоти ба номи Акрам Ҳасанов вохӯрии сайёри раиси суди ноҳияи Шаҳринав Раҷабзода Суҳроб бо сокинон доир гардид.

        Мавсуф зимни вохӯрӣ дар бораи Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба сокинон, ҳамзамон, баҳри боз ҳам баланд бардоштани сатҳи маърифати ҳуқуқию сиёсӣ ва фарҳангии шаҳрвандон, тарбияи ахлоқию хештаншиносии аҳолӣ доир ба тарғиботу ташвиқоти сиёсати хирадмандонаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Қонунҳои Ҷумҳурии Тоҷикистон “Дар бораи тарбияи ватандӯстии шаҳрвандон”, “Дар бораи уҳдадориҳои ҳарбӣ ва хизмати ҳарбӣ”, “Дар бораи танзими анъана ва ҷашну маросим”, “Дар бораи масъулияти падару модар дар таълиму тарбияи фарзанд”, “Дар бораи стратегияи муқовимат ба экстремизму терроризм” , инчунин, дар бораи масоили таълим ва тарбияи ҳуқуқии шаҳрвандон, пешгирии ҷудошавии оилаҳо, савдои одамон, пӯшидани либосҳои ба фарҳанги мо бегона, ҳуруфотпарастӣ ва дигар кирдорҳои номатлуб дар ҷомеа баромаду фаҳмондадӣ кард.

          Маврид ба зикр аст, ки номбурда, инчунин, оид ба вусъат бахшидани раванди корҳои ободонӣ, бунёдкориву созандагӣ ба истиқболи ҷашни муқаддасу таърихӣ-35-солагии Истиқлоли давлатии Ҷумҳурии Тоҷикистон дар ҳудуди ноҳия низ ёдовар шуда, баҳри расидан ба натиҷаҳои рушд барору комёбиҳо хостор шуданд.